boite à outil

كفاش نصايب lettre de motivation

#كيفاش_نقاد_طلب_العمل
#Lettre_de_motivation

كلنا نهار كانبغيو ندفعو لشي خدمة كانديرو نفس الحاجة البديهية، كاتوجد “CV” مقاد و “Lettre de motivation” علا و عسا تقبل، وكاتمشي و نتا عارف بلي ديك الوراق لي داي موحال يتقراو ولا يوصلو ل “RH” چاع..
و بالفعل، بزاف د ال “RH” المسمومات اعتارفو بلي غالبا ما كايقراوش هاد لي دوموند.
آلوغ علاش هاد المسمومات ما باغيينش ليك الخير؟ وشنو الحل ما نخدموش حنا؟
أول حاجة علاش ال “RH” ما كايقراوش فغالب الأحيان وراقك؟
السبب كايرجع للطرفين، نتا/ي حيت داير شي “Template” من هادوك الأمثلة المعروفة فالنت و لي عامرين بالخوا الخاوي، و هوما حيت مازال لاصقين فهاد التقاليد القديمة و كايعتارفو بيها.. كايطلب ليك هاد الوراق و كايوصلوه 100 وحدة كايعچز يقراها، ولاد الناس وي.
إوا هوا عچز أنا مانخدمش؟
لا! تخدم نعاماس.. غادي تصيفط “Un mail de motivation” و لي ولاو پخاتيك و بزاف.
نبداو ب لي باز :
*الجسد د المايل ديالك هو لي غادي يجبد الإنتباه، ما تعولش علا ال “CV” لي غادي دير ف “Pièce jointe”
*كتب واضح و دير مسافات بين “Les paragraphes”، و دير شي خط عملي خلينا من “Comic sans ms” وما جاوره
*ما طولش بزاف، 15 سطر ماكس
*ما تحمقش راسك باش تكون مختلف، يكفي تعكس آش عندك نتا.. تلقائيا غادي يكون المايل ديالك مختلف و أوغيجينال
*عنا ب “Signature” ديالك (الكنية بماجيسكيل و السمية، مايل، طيل، ليان لينكدين..)
*ال “Objet” د المايل يكون واضح (Candidature de votre prochain poste X)
*جتانب “Les formules de politesse” دالقرن لي داز، دابا نعطي أمثلة لتحت
*كتب بحس ديال شي بياع، شي حد فاش كايبغي يبيع طونوبيل ما كايعطيكش لافيش و يخليك تشوف فيها، كايحاول يعطيك ما أمكن من الإيجابيات لي تخليك تشري البخودوي ديالو. آلوغ تانتا ما تعولش غير علا ال “CV” بوحدو حاول تقنع..
*من الأحسن يكون مايل ديالك بخو بلا ديك “fatixa.amour@gmail.com” يكفي يكون بهاد الشكل “Nom.Prenom@gmail.com”
إلا كان هادشي كامل مقاد ندوزو لآش تكتب :
#############################################
——————————-L’introduction:——————————-
هاد البارت هي لي يا غادي تشد ديك المسمومة تكمل المايل ديالك يا غادي تخليها تسدو..
***تجنب تكتب :
« J’ai relevé avec beaucoup d’intérêt l’offre… »
ماحدك دافع ليه راك مهتم، علاش تعاود تقولهالو؟
« La notoriété de votre entreprise m’incite à vous contacter… »
دافع ليا غير حيت أنا شركة معروفة، مزيان.. نيكست!
« Grâce à un stage chez vous, je pourrais valider mon diplôme… »
معول عليا تڤاليدي؟ نيكست!
« Suite à votre offre diffusée sur… je vous propose ma candidature »
وايلي؟ عند بالي شفتي لوفخ و جاي تبارك لي.. كون ما قلتيليش باغي تخدم ما كنتش غادي نعرفها :/ نيكست!
***من الأحسن تكتب :
« Vous recherchez un Technicien en X ? Je serai ravi de travailler à vos côtés ! »
« J’ai lu dans la presse, que vous développiez … Vous aurez certainement besoin d’un … Rencontrons-nous pour en discuter ».
« Nous nous sommes rencontrés lors du dernier Meet-Up «X » et avons échangé de paroles. Seriez-vous disponible cette semaine pour discuter de votre recrutement d’un Technicien en X? ».
بسيط، واضح ودقيق!
#############################################
——————————-Développement:——————————-
هنا ماغاديش تعاود تعرض ال “CV” ديالك، ولكن غادي تحاول دير صلة بين “CV” و الخدمة لي راك دافع ليها.
بين داكشي كامل لي درتي و لي كاتعرف، آش يمكن تزيد فالشركة؟ علاش ال “Formation” ديالك غادي تشكل ورقة رابحة ليهوم؟ ولا كيفاش غادي يفيدك تغيير خدمتك من الشركة لي كنتي فيها لعندهوم فالكاغييغ ديالك (إلا كنتي فشي خدمة أخرى بطبيعة الحال)؟
هادشي عامة كايضور علا 3 د المحاور :
* ال “Formation” ديالك.
* ال “Expérience” ديالك لي سبق و قلت فمقال علا هادشي بلي ماشي ضروري تكون خدام باش تكون عندك “Expérience”،
*شخصيتك و بروفيل ديالك لي غادي تخرجك علا الروتين لي مولفة المسمومة تشوفو و يصيفط ليها ميساج آنديريكت فيه “راه أنا علامن كاتقلبو”
#############################################
——————————-Conclusion:——————————-
لبارت اللخرة لي غادي تسد بيها و تخلي انطباع مزيان.
*تخلاو علا “Les formules de politesse” لي حفضنا فالكوليج بحال :
« Veuillez agréer, Monsieur, Madame »
« Bien à vous »
« Dans l’attente (dans l’espoir) d’une réponse de votre part, je me tiens à votre disposition pour … »
« Dans l’espoir d’un futur entretien, veuillez agréer Monsieur, Madame… »
*من الأحسن تكون ديريكت و موجز بحال :
« Je ne manquerai pas de vous recontacter sous 15 jours afin de vous convaincre, de vive voix, de ma motivation »
« Je serai très heureux de vous rencontrer afin de développer d’autres aspects de mes compétences »
« Je souhaite vous rencontrer afin de vous convaincre de ma motivation »
« Persuadé que seul un entretien pourra vous convaincre de ma motivation, je serai ravi de vous rencontrer prochainement »
خاتييمة (إيه يا ليام..)
المهم، تسالي المايل ديالك، عاود قراه و صحح الأخطاء لي خليتي موراك، عادي راك كاتكتب فكلاڤيي.. و ردو البال أكثرية ل “L’orthographe” راه ما جاتش تصيفط مايل عامر فوطات و نتا عندك كوريكطور كايغوت و مسطرلك علا الكلمة بالحمر.. حيت والله تا كايوصلو بحال هادشي (J’espère => J’ai spire).
دير فبالك بلي السيغڤيس “RH” فالمغرب -مع كامل الإحترام لشي “RH” إلا كان هنا- تا هوما كايديرو أخطاء و كايطلبو المستحيل منك بعد المرات ولكن هادشي لي عطا الله..
كيفما سبق و قلت ما تعاودش تعرض آش كاين ف “CV” ديالك فوسط المايل.
المايل ديالك كيفما مقابلة العمل إلا كتاب خاصو يكون إيجابي و يخلي انطباع مزيان.
و عاش ال “Mail de motivation” حيت هوا لي فك بزاف د الناس و سمحلهوم يدوزو “Les entretiens” ديالهم..
و أخيرا، فاش تجي تخدم كون راسك، ما تقمصش دور شي شخصية ماشي ديالك باش ما تصيدش.. راك ماغاديش تخدم فالجنة راه غير بنادم بحالك بحالو،
هو هادا و كيف العادا، #كوغديالمون.

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.