معلومات حول استعمال Gmail

كلنا كانخدمو ب « Gmail » ولكن واش كلنا خدامين بيه مزيان؟ هاك 7 د الحوايج لي غادي يعاونوك بزاف فاستعمالك ليه:
*****************************
1: بعد المرات كاتصيفط مايل و كاتفكر نسيتي شي حاجة ولا خورتيها ف شي قنت ولكن الغالب الله بركتي علا « Envoyer » و بغيتي تنتاحر عاود، كيف ديما الإنتحار ماشي هو الحل، « Gmail » عاطيك إمكانية تلغي المايل لي صيفتي.
سير ل « Settings->General » و قلب علا « Undo Send » و آكتيڤيها، غادي يعطيك تحدد الوقت لي يعطيك فيه فرصة تلغي المايل، من 5 ثواني تال 30. ماتنساش « Enregistrer » فالتالي.
*****************************
2: صيفتي شي مايل و ما كرهتيش تعرف واش قراه المتلقي ولا لا، طيليشارجي هاد « l’extension » د جوجل « Mailtrack » من هنا
https://mailtrack.io/en/
هادا داير بحال واتساب، فاش كايشوف شي حد المايل لي صيفتي ليه كايطلع « Double Check » و إلا بغيتي چاع يصيفطلك نوتيفيكاسيون بلي راه الميساج ديالك تقرا.
(فاش غادي تبغي تصيفط المايل غادي تلقا فالتالي ديالو واحد « Sent with MailTrack » يمكن ليك تحيدها ب « Remove » ).
*****************************
3: فاش قريتو 2 وليتو تقولو إيوا دابا كي غادي ندير نعرف واش شي حد مصيفطلي مايل ب « Tracking » و ما باغيتش نتفرش، هاك الحل عاود، « UglyEmail » طيليشارجيه من هنا
http://bit.ly/2vFOP3L
تا هو نفس البلان، إلا وصلك شي مايل مطراكي غادي يآفيشيلك واحد العين حدا المايل قبل ما تحلو.
*****************************
4: وصلك شي مايل و بغيتي تعرف معلومات علا مولاه بلا ما تعدب، كاين واحد « l’extension » تا هي بحال فاطمة البرڭاڭة لي فحومتكوم سميتها « Rapportive »، كاتعطيك جميع المعلومات لي « liés » لديك الإيمايل لي مصيفطلك الميساج.
طيليشارجي من هنا :
http://bit.ly/1btgwvv
*****************************
5: كان خاصك شي نهار تصيفط مايل فشي وقت معين ولكن نتا ما غاديش تكون ديسبو فديك الوقيتة، يمكن ليك تبروغرامي مايل يتصيفط فشي ساعة محددة ب « Boomrang Gmail »، آنسطاليه من هنا
http://www.boomeranggmail.com/
و فيه بزاف داللعيبات آخرين نبشو شوية و كتاشفوهم.
*****************************
6: إلا كنتي باغي تصيفط شي مايل لشي حد ولكن شاك يقراه شي حد آخر، يمكن ليك تصيفطو « Crypté » ومعاه « Password » مايتقرا المايل تا يكتب المتلقي ديك الباص لي درتي، عن طريق « Secure Gmail » طيليشارجي من هنا
http://bit.ly/1A4EyZn
فاش تآنسطاليها غادي يبانليك واحد القفل حدا « Compose »، نهار تبغي تصيفط شي حاجة مهمة ونتا مرتاح استعملها.
*****************************
7: هادي ماعرفت واش تنفع ولا لا المهم كاتجيني غير تخربيقة :3 إلا بغيتي تحس براسك ف « Mission Impossible » و تصيفط مايل يتمسح راسو مور شي ثواني ما يتقرا (داكشي د « Auto Destruction ») طيليشارجي « Snapmail » من هنا
https://snapmail.co/
فاش تآنسطالا غادي يتزاد بوطون حدا « Envoyer » مكتوب عليه « SnapSend » بيه باش تصيفط آ طوم كروز
شكرآ على Ussef Azaou إعادة النشر