جميع المعلومات الخاصة بالباك حر طاغيو صحابكم لي مهتمين
السلام عليكم اخواني باش متبقاش تعاود نفس الأسئلة الباك حر بحالوا بحال الباك العادي ما كاين تا اختلاف من حيت الشهادة … بالنسبة للتسجيل فباك حر كا يبدى ابتداء من شهر 11 فكل سنة بالنسبة للوثائق المطلوبة أول حاجة كتسجل فالموقع الخاص بالباك حر بعد ما يتفتح بعدها كتشري ملف أبيض من مكتبة ب درهم و عشرين كتلقى فيه خانة ديال طلب ترشيح كتعمرها أنت شخصيا او كتلقي فيه ايضا خانة فيها نسخة موجزة من رسم الولادة كتعمرها فالمقاطعة بعدها خانة ديال شهادة الانقطاع لي كتعمرها فالثانوية فين كنتي ولا اعدادية فين خرجتي واخا اكون عندك الباك كا تعمرها فالثانوية فين خديتيه + صورتان+نسخة من البطاقة الوطنية + شهادة السكنى ( حالة خاصة ) في حالة كنتي غادي دوز فمدينة لي أنت معندكش البطاقة الوطنية تابعة ليها + أربعة أظرفة متنبرة تكتب فيهم العنوان و الاسم الكامل ديالك + جوج نسخ إلكترونية كتخرجهم من الموقع الخاص بالباك حر ضروري ما تكون فيه صورة ديالك …. بالنسبة لا كان عندك مثلا باك علوم فيزيائية ضروري ما تبدل الشعبة كلها و ليس المسلك فقط يعني ما عندكش الحق تدفع ل علوم الحياة و الارض او علوم زراعية و الامر سائر على جميع الشعب … في حالة كنتي دفعتي داك العام او مدوزتيش دون تقديم اي مبرر غا تتوقف لمدة سنتين حسب القانون و بالنسبة الامتحان باك لبير وطني بحال بحال كيما الناس العاديين لكن الجهوي مختلف كا يكون فالدروس ديال الباك ……. و ماشي إجباري دوز مادة التربية البدنية تقدر تدفع شهادة طبية و غا تلغى في حالة بغيتي دوزها كتكون فشهر 4 كا تدوز الامتحان فرمي الجلة و الجري السريع تقريبا هدوا هما الأسئلة لي كتعاودوا مرحبا بالأسئلة ديالكم او بتوفيق .
يسر الله لكم اخواني
Laisser un commentaire