boite à outil

قانون 15 دقيقة

#شنو_هو_قانون_15_دقيقة
واش عمرك سمعتي شي نهار ب قانون ال 15 دقيقة ؟
أنا نشرحولك… هاد القانون أخي أختي هو للي بدل بزاف ديال الناس وخرّج حياتهم من الكئابة والظلام للنور، وأي واحد كيما بغا يكون قادر يبدا يطبقو من دابا نيت ويزيد ف حياتو بزاف ديال النويطات زوينين.
هاد السي القانون كيقول :
1. الا خصصتي يومياً 15 دقيقة كتفكر فيها كيفاش تطور راسك وتزيد بيه القدام كون متؤكد أنه ف نهاية العام غادي تشوف التغيير الواضح ف نفسك.
2. الا نقصتي يومياً 15 دقيقة من تضياع الوقت ف أمور تافهة وماعندها فائده، غادي تحقق النجاح فالسنوات لي اتجي من بعد .
3.الا خصصتي يومياً 15 دقيقة بش تتعلم لغة جديدة حسن لك من أنك تمشي دير دروس اللغة مرة وحدة ف السيمانة.
4. تخصص يومياً 15 دقيقة تمشي فيها بالزربة غادي تحصل على نتيجة احسن من أنك تمشي لاصال يومين ف السيمانة.
5. الا خصصتي يومياً 15 دقيقة تقرا فيها شي حاجة تنفعك، غادي يولي عندك مستوى طالع ديال الفهم.
6. الا خصصتي يومياً 15 دقيقة ديال الكتابة تكتب فيها داكشي للي رتاحيتي ليه،ولا لي كيضرك وكتفكر فيه غادي تولي قادر تكتب مقال كل يومين ولا ثلاثة، وفالاخر ديال العام غادي تلقى بانه عندك كتاب من التأليف ديالك.
هاد القانون تقدر طبقو على أي حاجة زوينة بغيتي تزيدها ف حياتك. للي زوين ف قانون 15 دقيقة هو أنه قصير لدرجة مايمكنش لك تلقى شي سبة ولا عذر بأنه ماعندكش الوقت دير فيه هدشي.
@ayoub abdoullah

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.