Learn English

#CB_English

مؤخرا كنت كنقرا شويا اللغة الإنجليزية أو بالصدفة تصادفت مع هاد التطبيق الخطيييييير لتعلم اللغة الإنجليزية.
التطبيق سميتو English study أو الصراحة بان ليا أحسن تطبيق كاين دابا أو ماعندوش منافس ليه، علاش ڭلت هاد الهدرة؟؟ ها علاش:

1ـ الأيقونات في الصورة A و B و C، عبارة عن مستويات في للغة من المبتدئ حتى المحترف، كل مستوي فيه 98 امتحان ، كل امتحان 20 سؤال، كتخدمهم أو كي عطيك النتيجة أو كي صحح ليك الأخطاء لي درتي، وفيه جزء خاص بامتحانات التوفل.

2ـ كي دربك على Reading، فيه 160 باراجراف بأسئلة مختفة واجاباتهم .

3ـ كي دربك على listening، فيه 79 موقف مختلف مكتوبين على هيئة حوار بين شخصين ، وفيه تسجيل لكل موقف.

4ـ فيه أيضا جزء خاص بال grammar، مشروح فيه بطريقة بسيطة ومحترمه لاهم قواعد اللغة ، بامثلة واسئلة على كل جزء.

5ـ غادي تلقاو فيه ڭاع الراديوات ديال ڭاع الدول ديال العالم.

6ـ أخيرا فيه حتى الأخبار في السياسة او العلوم او التكنولوجيا او الطب او الكورة او حتي الطبخ كل نهار خبر جديد مكتوب على شكل مقال أو كين تسجيل audio لكل خبر، إضافة إلى ترجمة للكلمات الجديدة.

هاد التطبيق الصراحة من أحسن ما شفت، كنصحكم بيه غادي إحسن المستوى ديالكم مزيان فهاد اللغة، المطلوب منك باش اتحسن المستوى ديالك هو المتابعة اليومية.

الرابط على Play Store:
http://bit.ly/2tsM7hS

شكرا على إعادة النشر
@hind el haddaoui