الخطوات إلى بغيتي تأسس شركة ديالك فالمغرب SARL

.

من قبل كان خاص على الأقل عشرلاف درهم فراس المال باش دير شركة، ولكن دبا فهاد القانون الجديد تلغات شهادة تحرير رأس المال بالنسبة للشركات الصغيرة وبالتالي يمكن ليك تصرح غير بدرهم في رأسمال ديال الشركة.
المهم إلى عندك فكرة و بغيتي دير شركة ديالك أول خطوة غادي تمشي للمكتب الشباك الوحيد Guichet Unique لي كاين فالمركز الجهوي للإستثمار
فهاد المكتب غادي يطلب منك الموظف تجيب هاد الوثائق:

■فوطوكوبي ديال لاكارت ديالك و ديال الشركاء لي معاك.
■الشهادة السلبية certificat négatif
■خمسة دالنسخ ديال عقد الكراء ديال المقر ولا شهادة الملكية إلى كان المقر ديالك .
■خمسة دالنسخ ديال “القانون المنظم للشركة”
■شهادة كتثبت ان الإسم مكاينش عند شركة أخرى،
غادي تجيبها عند “مندوبيات وزارة التجارة و الصناعة” أو “المكتب المغربي للملكية الصناعية و التجارية”OMPC.

فاش تعطيهم هاد الوثائق غتخلص تقريبا 2500 درهم للمركز الجهوي للإستثمار وغادي يتكلف بالإجراءات لي بقات :
التسجيل فإدارة الضرائب وفالسجل التجاري و CNSS و فالاخير الإعلان فالجريدة الرسمية.